📖 वाचाल तर वाचाल 📖

          📘आजचा परिपाठ 📘

                        🇮🇳 राष्ट्रगीत 🇮🇳
                         🇮🇳 राज्यगीत 🇮🇳
                           🇮🇳प्रतिज्ञा🇮🇳
                     🇮🇳संविधान उद्देशिका🇮🇳

✒️✒️आज दिनांक :- १२ डिसेंबर  २०२४
🔊🔊 आजचा वार :- गुरूवार

📙📘सुविचार :- ज्ञान,विज्ञान आणि सुसंस्कार यासाठी शिक्षण.

📙📘📙 दिनविशेष

🌍🌍 आजचा जागतिक दिन


⚡ सार्वत्रिक आरोग्य कवच दिवस

🖊️🖊️आजचा दिनविशेष – घटना

1755 : डच ईस्ट इंडिया कंपनीचे निकोबारमध्ये आगमन.
1882 : आनंदमठ या बंकिमचंद्र यांच्या कादंबरीचे प्रकाशन, याच कादंबरीमध्ये वंदे मातरम् हे गीत आहे.
1901 : जी. मार्कोनी अटलांटिक महासागर ओलांडून पहिला वायरलेस संदेश पाठवण्यात यशस्वी झाला.
1911 : दिल्ली भारताची राजधानी बनली. पूर्वी कोलकाता ही भारताची राजधानी होती.
2001 : पृथ्वी क्षेपणास्त्राची चाचणी घेण्यात आली.
2016 : प्रियांका चोप्राची युनिसेफ सदिच्छा दूत म्हणून नियुक्ती करण्यात आली.


🖊️🖊️आजचा दिनविशेष – जन्म

1872 : ‘डॉ. बाळकृष्ण शिवराम मुंजे’ – राजकीय नेते, हिन्दू महासभेचे संस्थापक आणि नाशिक येथील भोंसला मिलिटरी स्कूल चे संस्थापक यांचा जन्म. (मृत्यू : 3 मार्च 1948)
1881 : ‘हॅरी वॉर्नर’ – वॉर्नर ब्रदर्स चे सहसंस्थापक यांचा जन्म. (मृत्यू : 25 जुलै 1958)
1892 : ‘गौरीशंकर गोवर्धनराम जोशी’ – गुजराथी कथाकार व कादंबरीकार यांचा जन्म. (मृत्यू : 11 मार्च 1965)
1905 : ‘डॉ. मुल्कराज आनंद’ – लेखक यांचा जन्म. (मृत्यू : 28 सप्टेंबर 2004)
1907 : ‘खेमचंद प्रकाश’ – संगीतकार यांचा जन्म. (मृत्यू : 10 ऑगस्ट 1950)
1915 : ‘फ्रँक सिनात्रा’ – हॉलिवूड मधील अभिनेते व गायक यांचा जन्म. (मृत्यू : 14 मे 1998)
1925 : ‘दत्ता फडकर’ – भारतीय क्रिकेटर यांचा जन्म. (मृत्यू : 17 मार्च 1985)
1927 : ‘रॉबर्ट नोयस’ – इंटेल कॉर्पोरेशनचे सहसंस्थापक यांचा जन्म. (मृत्यू : 3 जून 1990)
1940 : ‘शरद पवार’ – भारतीय राजकारणी यांचा जन्म.
1949 : ‘गोपीनाथ मुंडे’ – भारतीय राजकारणी यांचा जन्म.
1950 : ‘शिवाजी गायकवाड’ उर्फ ‘रजनीकांत’ – प्रसिध्द अभिनेते यांचा जन्म.
1952 : ‘हरब धालीवाल’ – भारतीय कॅनेडियन व्यापारी आणि राजकारणी यांचा जन्म.
1973 : ‘भारत जाधव’ – भारतीय अभिनेता आणि निर्माता यांचा जन्म.
1981 : ‘युवराजसिंग’ – भारतीय क्रिकेटपटू यांचा जन्म.


🖊️🖊️आजचा दिनविशेष – मृत्यू

1930 : ‘हुतात्मा बाबू गेनू’ – परदेशी मालाविरुद्ध निदर्शने करताना याचा मोटारीखाली चिरडून निधन.
1964 : ‘मैथिलिशरण गुप्त’ – हिन्दी राष्ट्रकवी यांचे निधन. (जन्म : 3 ऑगस्ट 1886)
1992 : ‘पं. महादेवशास्त्री जोशी’ – साहित्यिक, भारतीय संस्कृतीकोषाचे व्यासंगी संपादक यांचे निधन. (जन्म : 12 जानेवारी 1906)
2000 : ‘जयदेवप्पा हलप्पा पटेल’ – कर्नाटकचे 15 वे मुख्यमंत्री यांचे निधन. (जन्म : 1 ऑक्टोबर 1930)
2005 : ‘रामानंद सागर’ – हिंदी चित्रपट निर्माते यांचे निधन. (जन्म : 29 डिसेंबर 1917)
2006 : ‘अॅलन शुगर्ट’ – सीगेट टेक्नोलॉजी चे सहसंस्थापक यांचे निधन. (जन्म : 27 सप्टेंबर 1930)
2012 : ‘पण्डित रवी शंकर’ – सतार वादक, भारतरत्‍न यांचे निधन. (जन्म : 7 एप्रिल 1920)
2012 : ‘नित्यानंद स्वामी’ – उत्तराखंडचे पहिले मुख्यमंत्री यांचे निधन. (जन्म : 28 डिसेंबर 1927)
2015 : ‘शरद अनंतराव जोशी’ – भारतीय शेतकरी आणि राजकारणी यांचे निधन. (जन्म : 3 सप्टेंबर 1935)


🌍🖊️ जागतिक दिन लेख

           युनिव्हर्सल हेल्थ कव्हरेज डे
     
               दरवर्षी 12 डिसेंबर रोजी युनिव्हर्सल हेल्थ कव्हरेज डे साजरा केला जातो. हा दिवस प्रत्येक व्यक्तीला गुणवत्तापूर्ण, परवडणाऱ्या, आणि सुलभ आरोग्य सेवा उपलब्ध करून देण्याच्या उद्दिष्टासाठी जागरूकता निर्माण करण्यासाठी समर्पित आहे. सर्वांसाठी आरोग्य सेवा ही मूलभूत गरज असून ती आर्थिक स्थिती, स्थान किंवा सामाजिक स्थितीवर अवलंबून नसावी. जागतिक आरोग्य संघटनेच्या नेतृत्वाखाली हा दिवस साजरा केला जातो, ज्यामध्ये लोकांना चांगल्या आरोग्य सुविधांची मागणी करण्यासाठी प्रोत्साहित केले जाते.
              युनिव्हर्सल हेल्थ कव्हरेजची अंमलबजावणी झाल्यास सर्वसामान्य लोकांना आर्थिक अडचणींशिवाय आवश्यक वैद्यकीय उपचार मिळू शकतील. बालमृत्यू, महामारी, आणि इतर गंभीर आजारांपासून संरक्षणासाठी अशा आरोग्य व्यवस्थेची गरज आहे.सरकार, आरोग्य संस्था, आणि नागरिकांनी एकत्र येऊन चांगल्या आरोग्य सुविधांसाठी योगदान देणे आवश्यक आहे. सर्वांसाठी आरोग्य सेवा हा उद्देश फक्त अधिकार नसून मानवतेचा मूलभूत आधार आहे.


⏮️⏭️⏮️⏭️⏮️⏭️⏮️⏭️⏮️⏭️⏮️⏭️⏭️⏭️⏮️
   
            🌍 भाषेवर प्रभुत्व मिळवुया 🌍

           📋 📖म्हणी व अर्थ📖 📋

👉 असंगाशी संग आणि प्राणाशी गाठ – दुर्जन माणसाची संगत केल्यास प्रसंगी जिवालाही धोका निर्माण होतो .

            ✒️📖 वाक्प्रचार 📖✒️

👉 गाशा गुंडाळणे – निघून जाणे, सामानासह मुक्काम हलवणे

     ✒️📖 शब्दसमुहाबद्दल एक शब्द 📖✒️

👉  देवळाच्या आतील भाग – गाभारा



⏭️⏮️⏭️⏮️⏭️⏮️⏭️⏮️⏭️⏮️⏭️⏮️⏭️⏮️⏭️

                      🙏 प्रार्थना 🙏

                नमस्कार माझा

नमस्कार माझा या ज्ञानमंदिरा,
सत्यम शिवम सुंदरा ॥धृ॥

शब्दरुप शक्ती दे, भावरुप भक्ती दे,
प्रगतीचे पंख दे चिमणपाखरा ॥

विद्याधन दे आम्हांस एक छंद एक ध्यास
नाव नेई पैलतीरी दयासागरा ॥

होऊ आम्ही नीतीमंत, कला गुणी बुद्धिवंत
कीर्तीचा कळस जाई उंच अंबरा ॥


                   📝 बोधकथा 📝

             
                            यश
          —————————————-
              एकेकाळची जूनी गोष्ट आहे, एक निपुत्रिक राजा होता, तो म्हातारा झाला होता आणि त्याला राज्यासाठी योग्य उत्तराधिकारी शोधण्याची चिंता होती. योग्य उत्तराधिकारी शोधण्यासाठी, राजाने संपूर्ण राज्यात घोषणा केली की जो कोणी विशिष्ट दिवसाच्या संध्याकाळी त्याला भेटायला येईल त्याला तो त्याच्या राज्याचा काही भाग देईल. राजाच्या या निर्णयावर संताप व्यक्त करून राज्याचे पंतप्रधान राजाला म्हणाले, “महाराज, तुम्हाला भेटायला अनेक लोक येतील आणि सर्वांना त्यांचा वाटा दिला तर राज्याचे तुकडे होईल. करू नका. अशी अव्यवहार्य गोष्ट आहे.” राजाने पंतप्रधानांना धीर दिला आणि राजा म्हणाला, “पंतप्रधान, काळजी करू नका, काय होते ते पहा.”ज्या दिवशी सर्वांना भेटायचे होते त्या दिवशी राजवाड्याच्या बागेत राजाने मोठी जत्रा भरवली. जत्रेत खूप नाच, गाणे आणि मद्यपान होते, खाण्यासाठी अनेक स्वादिष्ट पदार्थ होते. जत्रेत अनेक खेळही होत होते.
            राजाला भेटायला आलेले किती लोक नाचण्यात, गाण्यात मग्न झाले, किती जण सौंदर्यात मग्न झाले, किती आश्चर्यकारक खेळ आणि किती जण खाण्यापिण्याच्या आणि प्रवासाच्या आनंदात मग्न झाले. अशातच वेळ जाऊ लागला.पण या सर्वांमध्ये एक असा होता की ज्याने कशाकडे ढुंकूनही पाहिले नाही, कारण त्याच्या मनात एक निश्चित ध्येय होते की त्याला राजाला भेटायचे आहे. म्हणून तो बाग ओलांडून राजवाड्याच्या दारात पोहोचला. मात्र दोन चौकीदार उघड्या तलवारी घेऊन उभे होते. त्याला थांबवले. त्यांच्या थांबण्याकडे दुर्लक्ष करून आणि रक्षकांना बाजूला ढकलून, तो राजवाड्यात धावला कारण त्याला ठरलेल्या वेळी राजाला भेटायचे होते.तो आत पोचताच राजा त्याच्यासमोर त्याला भेटला आणि म्हणाला, मला माझ्या राज्यात कोणीतरी सापडला आहे जो कोणत्याही मोहात न पडता ध्येय गाठू शकेल. मी तुला अर्धे नाही तर संपूर्ण राज्य देणार आहे. तू माझा उत्तराधिकारी होशील.


तात्पर्य – यशस्वी तोच असतो जो ध्येय निश्चित करतो, त्यावर ठाम राहतो, वाटेत येणाऱ्या प्रत्येक अडचणीला तोंड देतो आणि छोट्या-छोट्या अडचणींकडे दुर्लक्ष करतो!


       📘 दिनांकानुसार पाढा :- १२ चा पाढा

                            १२            ७२
                            २४            ८४
                            ३६            ९६
                            ४८            १०८
                            ६०            १२०

  ⏮️⏭️⏮️⏭️⏮️⏭️⏮️⏭️⏮️⏭️⏮️⏭️⏮️⏭️⏮️   

          📝 प्रश्नावली २२७ 📝

प्रश्न १. एवरेस्ट शिखर सर करणारे पहिले महाराष्ट्रीयन व्यक्ती कोण ?
उत्तर :- सुरेंद्र चव्हाण

प्रश्न २. महाराष्ट्र विधानसभेचे हिवाळी अधिवेशन कोणत्या ठिकाणी असते ?
उत्तर :-  नागपूर

प्रश्न ३. रिझर्व बँकेचे गव्हर्नर म्हणून कोणाची नियुक्ती झाली आहे
उत्तर :- संजय मल्होत्रा

प्रश्न ४. महाराष्ट्र राज्याचे नवीन मुख्यमंत्री म्हणून कोणी शपथ घेतलेली आहे ?
उत्तर :- श्री. देवेंद्र फडणवीस

प्रश्न ५ . राष्ट्रपती पदक पटकविणारा पहिला मराठी चित्रपट कोणता ?
उत्तर :- श्यामची आई

⏭️⏮️⏭️⏮️⏭️⏮️⏭️⏮️⏭️⏮️⏭️⏮️⏭️⏮️⏭️

👉 आपल्या माहितीसाठी.

भारतात तीन वेळा राष्ट्रीय आणीबाणी जाहीर करण्यात आली आहे.

पहिली आणीबाणी.
◾️ 26 ऑक्टोबर 1962 – 10 जानेवारी 1968
◾️परकीय आक्रमण मुळे लावली होती
◾️चीनचे आक्रमक
◾️पंतप्रधान : पंडित नेहरू होते
*थोडं हे समजून घ्या*
⭐️आणीबाणी लागू 26 ऑक्टोबर 1962 ला
⭐️21नोव्हेंबर 1962 ला युद्ध संपले
⭐️पण तरीही आणीबाणी सुरूच ठेवली होती
⭐️तेवढ्यात एप्रिल 1965 ला पाकिस्तान ने आक्रमक केलं( ऑपरेशन – जिब्राल्टर पाकिस्तान)
⭐️10 जानेवारी 1966 – ताश्कंद करार झाला आणि युद्ध समाप्त झाले ( पंतप्रधान : लाल बहादूर शात्री)
◾️पहिल्या आणीबाणी मध्ये भारत – चीन आणि भारत- पाकिस्तान ही दोन्ही युद्धे झाली
◾️जानेवारी 1968 मध्ये पाहिली आणीबाणी संपली

❇️ दुसरी आणीबाणी.
◾️1971: भारत-पाकिस्तान युद्धादरम्यान.
◾️3 डिसेंबर 1971 – 21 मार्च 1977 (बाह्य आक्रमक).
◾️हे पण युद्ध संपलं तरी आणीबाणी काढली नाही
◾️अशातच दुसरी आणीबाणी सुरू असतानाच तिसरी आणीबाणी लागू केली

तिसरी आणीबाणी.
◾️25 जून 1975 पासून लागू झाली आणि 23 मार्च 1977 रोजी संपली
◾️21 महिन्यांच्या कालावधीसाठी दर सहा महिन्यांनी आणीबाणी लागू केली होती.
◾️पंतप्रधान : इंदिरा गांधी

दुसरी आणि तिसरी आणीबाणी एकदाच 1977 साली संपविण्यात आली .

आणीबाणी विषयक कलमे.

◾️कलम 352 – राष्ट्रीय आणीबाणी
◾️कलम 356  – राज्य आणीबाणी
◾️कलम 360 – आर्थिक आणीबाणी

25 जून 1975 ला आणीबाणी लागू केली होती म्हणून 25 जून हा संविधान हत्या दिवस म्हणून साजरा केला जाणार आहे.